The physology of the money ( Cilmi nafsiga iyo lacagta)

 The physology of the money

(Cilmi nafsiga iyo lacagta)

——————

Soo koobid iyo toban cashar oon ka baranayno buuga uu qoray Morgan Housel. Ee la dhaho "The Psychology of the Money: Timeless Lessons on Wealth, Greed, and Happiness."

In Lacag lagu sameeyo si fudud wax fudud maaha ood taqaanid, waxay ku xidhan tahay sidaad u dhaqanto, dhaqankuna wuu adag yahay in la barto, Xataa hadaad tahay mid caqli badan, Lacagaha maalgashiyeed , dhaqaalaha shakhsiyeed, Iyo go’aamada ganacsiyeed, caadiyan waxay ku salaysan yihiin Maadada xisaabta halka xogaha iyo qaacidooyinku noo sheegaan qaabka saxda ah ee aan u samaynayno .

1. In Lacag la sameeyaa waxay qaadataa wakhtiyo badan , wakhti ka badan inta ogaalkeenu xaqiiqsan karo. 

Ka fikir bal warren buffet kaas oo noqday uun hodan sanadihii u dambeeyay, da’ ahaan intuu jiro iyo hantida lacageed ee uu haysto isla wakhtigan.

2. Marmarka qaar kuma xidhna hibadaada , xirfadaada, inta shahaado eed haysato, inta qofeed eed xidhiidh la leedahay, amase qaraabadiinu inta hantiyeed eey leeyihiin, mararka qaar nasiib weeyi, midaasna waa inaad aaminto.

 Ka fikir Tony elumelu dhaqaalyahanka reer nigeria si fudud oo nasiib leh ayuu ku noqday hantiile, ahow mid is dhul dhiga. 

3. Cutubyada buugta qaarkood waa inay noqdaan kuwo koobkooban, cutubyada as koobkoobani waxay saamaxayaan in hore loo fahmo, maaha wax walba ood rabtid inaad dadka u bandhigtid inaad ka dhigtid wax aad u badan oo dheer, xikmadu waa odhaahda kooban, cutubyada koobkoobana waa xikmada ku filan kuwa caqliga leh.

4. Maaha qaab dhismeedka qofka wax ku kooban Lacagtu, balse waxay si badan u khusaysaa qaabka aad ugu fikirayso lacagta lafteeda, maskaxdu way ka awood badan tahay lacagta, maskaxdaadu waa ta maamulaysa inta cadad eed samayn karto, cadadka dhigaal eed dhigi karto, inta aad gorgortan ku geli karto iyo sidoo kale waa ta go’aamisa sidaad farxadaada u samaysan karto.

5. Iska jooji u iibinta ashyaada aad ku raali gelinayso dadka aan kuba danaynayn, xaalado badana runtii dadku dan kama galaan, dadkuna had iyo jeer waxay jecel yihiin dulucda/nuxurka ugu dambeeya, adiguna ma doonaysid inaad noqotid nuxurka , marka laga reebo kolkaad gole siyaasadeed u tartamayso uune, ka yeel go’aanadaada ku salaysan gudahaaga kuwo xukuman, sababtoo ah waxaad rabtaa inaad xukuntid dad aan kuuba jeedin. 

6. Aad uga taxadir Hab dhaqankaaga ku aadan lacagta, haddii kale oodan ka taxadirin way ku Hagi doontaa, inteed samayn doontaa, sideed u kala wadi, sideed u isticmaali doontaa uun baad ku jiraysaa. 

7. Noqo had iyo jeer mid yidiidiilo leh, cawajku ma gaadho meelna marnaba, mustaqblka fogna yidiidiiloyahanka uunbaa gaadha kolka uu soo dhamaado game ku. 

8. Waxyaabaha kaaga dhex muuqda muraayadu way kuu dhowyihiin sidaad u aragto, laakiin maaha mid ku khusaysa, laga reebo adiga oo ah wadaha shookaantiisa, ka taxadir macluumaadka ku soo gaadhaya badankoodu maaha wax ku khuseeya.

9. Waxyaabaha wanaagsani waxay qaataan wakhti, maalgashiyadaada, Aqooneed, xirfadeed, lacageed, Iyo xidhiidhadaadu intaysan bislaanin wakhti bay qaataan, Samir yeelo ogowna inuu jiro wakhti wax la beerto wakhtina la goosto.

10. Wax waliba qiimo ayay leeyihiin, hantida maaliyadeed, dhigaalka fiican , maalgelinta wanaagsan, xirfadaha intaba diyaar u noqo inaad bixiso qiime badan , bixina nolol dhaqaale ahaan sugan.